ORDUBAD RAYONU

Ekvator nədir?

ordubad — Sat, 12 Mar 2016 01:11:14 GMT

Forum: Maraqlı məlumatlar
Thread starter: ordubad
Last message posted by: ordubad
Number of replies: 1

Siqareti 1 həftəyə atmağın yolu

ordubad — Sun, 31 Mar 2013 17:30:25 GMT

Siqareti buraxmaq istəyənlərin əsas məqsədinin “özünə güvən” olduğu açıqlanıb.

Araşdırmaçılar apardığı tədqiqatlar nəticəsində qərara gəliblər ki, bütün işlərini, vərdişlərini siqaret asılılığından xilas olmaq üzərində quran insanlara çox deyil, yalnız 1 həftə lazımdır. Bu, 2008-ci ildən bəri təxminən 1500 nəfərə tətbiq edilib.

Həkim Levent Əkinçi siqareti atmaq istəyən xəstələrlə söhbətdən sonra onların buna hələ də hazır olmadığını müəyyən etdiyini deyib. Narkomanlar siqaretsiz həyatlarının necə olacağını düşünür. Onlar “özümü hazır hiss etmirəm”, “bu aralar bir az çətinliklərin, problemlərin bitməsini gözləyirəm” kimi bəhanələr gətirirlər. Qərar verməyənlərin çoxu da ciddi sağlamlıq problemi yaşayanlardır.
Onlar ancaq astma, xərçəng, ürək damar xəstəliyi kimi problemlər yaşadıqdan sonra qərar verməyə məcbur olurlar. Bu dövrdə xəstəyə dəstək olunmalı, qərarının arxasında durmasına kömək lazımdır.

Bundan sonra özünü təlqinetmə başlayır. 7 gün müddətində proqram tətbiq olunur. 1 həftə boyunca siqaretdən xilas olmaq üçün sinirləri idarə etməyi bacarmaq lazımdır. Proqramın tətbiqində NLP sisteminin gücü əvəz olunmazdır.
Hansı şəhərdə və ya hansı ölkədə olursan ol, yalnız qərar vermək kifayətdir.

NLP sistemi həyatın müəyyən müddətində düşünmək deyil, düşünmə və davranış müddətlərini şüurlu hala gətirmə fəal olaraq düşünmək qabliyyətidir.

NLP-nin əsas məqsədi insanların həyatı üçün zərərli olduğunu bildikləri vərdişləri bir daha geri qaytarmamaq şərti ilə atmaqdır.

NLP sinir dili proqramıdır, fərdi istəkləri əldə etməyə imkan verən bir düşüncə, tətbiq və davranış formasıdır. İnsan bir kompüterə bənzətsək NLP bu kompüteri necə istifadə edəcəyini öyrədən texnologiyadır.
Duyğularımızla da hansı davranışın faydalı və təsirli olduğunu anlaya bilərik. NLP vasitəsilə dünyanı necə dərk etdiyimizi görə bilərik.

Mənbə: xezerxeber.com

Dünya əhalisinin ümumi çəkisi məlum oldu

ordubad — Sat, 07 Jul 2012 11:47:43 GMT

Bütün dünyada sürətlə artmağa davam edən piylənmə xəstəliyi, qlobal qida təhlükəsizliyi üçün əhəmiyyətli bir təhlükə halına gəlib.

ABŞ-ın Benefit Management Services (BMC) Sağlamlıq Mərkəzi tərəfindən aparılan araşdırmaya görə, dünyanın yetkin yaşına çatmış əhalisi kökəlməyə doğru gedir. Bütün insanların ağırlığının 287 milyon tona yaxınlaşması gözlənilir və bunun 17 milyon tonu piylənmədən qaynaqlanır. Mütəxəssislər, şişman insanların sayının bir milyarda çatacağını, bunun da dünya qida qaynaqlarına təsir edəcəyini və qlobal qida təhlükəsizliyinə təhdid edəcəyini deyirlər.

Araşdırmaya görə, dünya əhalisinin yalnız 5 faizini təşkil edən ABŞ, şışmanlıq səbəbiylə dünyadakı insanların ümumi çəkisinin üçdə birinə sahibdir. Bunun qarşılığında dünya əhalisinin 61 faizinə sahib Asiya, dünya insan ağırlığının cəmi 13 faizini təşkil edir. Dünyadakı ən arıq əhaliyə sahib ölkə isə gündəlik 2 min 342 kalori istehlakı və 49.5 kilo ilə Şimali Koreya oldu. Sonrakı yerlərdə isə Asiya ölkələrindən Nepal, Şri Lanka və Vyetnam gəlir.

Menbe: xezerxeber.com

Dünyanın ən bahalı mobil telefonları

ordubad — Thu, 29 Mar 2012 19:14:24 GMT

Azərbaycan istehlakçısının bahalı mobil telefonlara aludə olduğu heç kəsə sirr deyil. Bahalı telefon alan, lakin danışıq kartı almağa pul tapmayanlar da N qədərdir. Lakin bu şəkillərdə göstərilən telefonları yəqin ki, heç bir Azərbaycan vətəndaşı almayıb.

Beləliklə, Lent.az sizə dünyanın ən bahalı mobil telefonlarını təqdim edir. Siyahı Fransanın “topito.com” saytından götürülüb. Siyahıdakı telefonların istehsalında nəcib metallardan qiymətli daşlardan istifadə edilib.

1. Goldstriker iPhone 3GS Supreme: $3,200,000 (korpus qızılla örtülüb)

2. Peter Aloisson’s Kings Button iPhone: $2,400,000

3. Ancort Diamond Crypto: $1,300,000

4. Goldvish Pièce Unique: $1,290,000

5. Goldvish Le Million: $1,000,000

6. Boucheron Vertu Signature Cobra: $310,000

7. Sony Ericsson Black Diamond: $300,000

8. Peter Aloisson’s iPhone Princess Plus: $176,000

9. Nokia 8800 Arte with pink diamonds: $134,000

10. Vertu diamond: $88,000

Həcc ziyarəti

ordubad — Sun, 25 Mar 2012 20:34:07 GMT

"Həcc" ərəbcə "ziyarət etmək" deməkdir.
İslamın əsas rüknlərindən biri olan həcc ziyarəti müqəddəs Məkkə və Mədinə şəhərlərinə gedərək Allahın evi olan Kəbəni ziyarət etməklə başlayan və hər bir müsəlmanın borcu olan bir ayindir. Qeyd etmək lazımdır ki, hələ çox qədimlərdən, islama qədərki dövrlərdə də Məkkədə yerləşən Kəbə məbədi bütün insanların ziyarətgahı olmuşdur. Tarixi mənbələrə görə, Kəbə İslamdan 2700 il əvvəl ərəb qəbilələri arasında böyük nüfuza malik olmuşdur. Müxtəlif adət-ənənəli qəbilələr oranı müqəddəs və əziz saymışlar.
Rəvayətə görə, Kəbəni Allah Talanın əmri ilə Həzrəti Adəm (ə) tikmiş, lakin Nuhun (ə) dövründə baş verən tufan onu dağıtmışdır. Hədislərdə yazılanlara görə, Kəbənin tikintisində bütün dünyanın torpağından nümunə vardır. Dünyadakı bütün insanlar Hz. Adəmdən (ə) əmələ gəldiyi üçün bədənində də həmin torpaq olmalıdır.
Nuh (ə) peyğəmbərdən sonra İbrahim (ə) və onun oğlu İsmayıl (ə) Kəbəni yenidən tikmişlər. "Kəbə" ərəb dilində "kub" deməkdir. Kəbə - sahəsi 10x12 metr, hündürlüyü isə 15 metrə yaxın olan bu Allah evi Məscidül-həramın tən ortasında yerləşir. Allah Talanın Adəmə (ə) göndərdiyi "qara daş" Kəbənin cənub-qərb küncündə divara hörülmüşdür.
Kəbə ibadət və Tanrıya tapınmaq üçün tikilmiş ilk evdir. "Bəqərə" surəsinin 122-ci və "Ali-İmran" surəsinin 96-cı ayələrindən göründüyü kimi, Kəbənin tikilmə tarixi İbrahim peyğəmbərdən (ə) əvvəl olmuşdur. Hz. İbrahim (ə) Allah Talanın buyruğu ilə Kəbəni çoxdan mövcud olan bünövrə üzərində yenidən tikmişdir.
Həzrət Əlinin (ə) "Nəhcül-bəlağə" əsərində də Kəbənin Hz. Adəmin (ə) vaxtından mövcud olduğu göstərilir.
Kəbənin binası dördküncdür. Künclərin hər biri digərinə tərəf yönəlmişdir ki, hava axını və külək bir-birinə təsir edib zəifləsin və beləliklə, binanın dağılmasının qarşısı alınsın.
Kəbənin binasını Hz. İbrahim (ə) dövründən indiyədək Əmalin, daha sonra Cürhüm qəbiləsi və nəhayət Məhəmməd peyğəmbər (s) zamanında Qüreyş qəbiləsi bərpa etmişdir. (Bu haqda "İslam tarixi" başlıqlı yazıda ətraflı məlumat verilib).
Kəbənin qapısı ilə üzbəüz müqəddəs "Zəm-zəm" çeşməsi yerləşir. Hz. İbrahimin (ə) Hicazda qoyub getdiyi körpə İsmayıl və onun anası Hacər susuzluqdan əziyyət çəkərkən möcüzə baş vermiş, körpənin ayaqları altından su fəvvarə vurmuşdur. Çeşmənin suyu şəfaverici sayıldığı üçün zəvvarlar çox vaxt onu "zəmzəmiyyə" adlanan xüsusi qablarda özləri ilə vətənlərinə aparırlar.
Tarixi məlumatlara görə, Məhəmməd Peyğəmbər (s) hələ hicrətdə (Mədinədə) olarkən buyurmuşdur ki, müsəlmanlar namaz qılarkən üzlərini Kəbəyə çevirməlidirlər. Həmin çağırışdan sonra Kəbədəki "qara daş"ın ətrafında olan bütlər Peyğəmbər (s) tərəfindən məhv edildi və Kəbə İslamın müqəddəs məbədinə çevrildi. Həmin vaxta qədər müsəlmanlar üzlərini Beytül-Müqəddəsə (Qüds) tuturdular. (Bu haqda "İslam tarixi" yazısında ətraflı bəhs edilib). Beləliklə, İslam dininin yarandığı ilk vaxtlarda - miladi təqvimi ilə 632-ci ildən başlayaraq Məkkəni və oradakı Kəbə evini ziyarət etmək mərasimi müsəlmanlar tərəfindən daha geniş icra edilməyə başlanmış və həcc ziyarəti adı ilə məşhurlaşmışdır.
Zəvvarlar Məkkədə Zilhiccənin 7-ci günündə olmalıdırlar. Burada onlar təmizlənəndən, dəstəmaz alandan, bədənlərinə ətirli yağ sürtəndən və qüsl edəndən sonra müqəddəs ağ ibadət libası - ehram (yalnız kişilər) geyirlər. Ehramın heç bir tikişi olmur və iki ağ parçadan ibarətdir; birini bellərinə sarıyır, digərini isə çiyinlərinə salırlar. Zəvvarlar həcc zamanı saçlarını qırxdırmır, dırnaqlarını tutmurlar. Qadınlar mütləq başlarına iri yaylıq örtməlidirlər.
Zəvvarlar həcc vaxtı ehram halında ancaq ibadətlə məşğul olmalıdırlar. Heç bir canlının qanını tökməyə ixtiyarları yoxdur, hətta milçək olsa belə. Ağacdan meyvə dərməməli, ümumiyyətlə heç bir dünya neməti haqda düşünməməlidirlər.
Həcc zamanı ziyarət Kəbəni yeddi dəfə dolanaraq təvaf etmək, məqami-İbrahimdə iki rükət namaz qılmaq müqəddəs Səfa və Mərva təpələri arasında səy (qaçmaq) etməklə başlanır.
Daha sonra zəvvarlar Minaya, Ərəfat dağına yollanır və açıq havada gecələyəndən sonra, Zilhiccə ayının 9-da həccin əsas ayinlərindən birini yerinə yetirərək, Ərəfat dağının ətəyində dayanırlar. Bu ayin günortadan gün batana kimi davam edir. Zəvvarlar burada namaz qılır və xütbəyə - moizəyə qulaq asırlar. Gün batan kimi hamı dərhal Müzdəlifə vadisinə yollanır və bütün gecəni orada ibadət edir, sübh namazından sonra gün çıxana qədər oranı tərk edirlər.
Zilhiccə ayının 10-cu günü Mina vadisində şeytana daş atma mərasimi icra olunur. Burada hər bir zəvvar şeytana yeddi dəfə daş atmalıdır. Bundan sonra qurban kəsmə mərasimi başlayır. Həmin gün Qurban bayramı günü hesab olunur, bayram namazı qılınır.
Zilhiccə ayının 11-12-ci günü şeytana daş atma mərasimləri bir daha təkrar olunur. Zəvvarlar həmin ayın 11-12-ci günlərində Minada gecələyir və 13-cü gün günorta namazından sonra Minanı tərk edərək Məkkəyə qayıdırlar. Məkkə şəhərində böyük həccin əməllərini yerinə yetirirlər.
Böyük həccin əməlləri kiçik həccin əməlləri kimidir. Kəbə evi zəvvar tərəfindən 7 dəfə təvaf edilməli, məqami-İbrahimdə namaz qılınmalı, Səfa və Mərva dağları arasında 7 dəfə səy edilməlidir. Bu ayinlərdən sonra Nisə və Vida təvafları da icra olunmalıdır. Bununla da Zəvvarlar həcc ziyarətini başa vururlar.

Allah Taala hər bir Zəvvarın ziyarətini qəbul etsin !

Menbe: http://www.qafqazislam.com

Futbolun tarixi

ordubad — Sun, 25 Mar 2012 20:28:42 GMT

Futbol, ayaq ilə oynanan bir idman oyunudur.
Arxivlərdən belə məlumatlar da tapılmışdır ki, daha qədim dövrlərdə müxtəlif xalqlar ayaqla top oynamışlar: məsələn Qədim Romada, Böyük Novqorodda, orta əsrlərdə Fransada və İtaliyada. Lakin o oyunlar indiki futbola çox az oxşamışdır. 1863-cü ilin oktyabrında Londonda top oyunu həvəskarları toplaşırlar. Onlar arasında mübahisə gedir: futbolu "yalnız ayaqla" oynasınlar, yoxsa "ayaq və əllə"? "Yalnız ayaqla" oyun tərəfdarları öz ittifaqlarını yaradırlar. Bu ittifaq da oyunun ilk qaydalarını işləyib-hazırlayırlar. Həmin qaydalar heç də mükəmməl deyildi və bir neçə onillik ərzində ona əlavələr oldu, dəyişikliklər edildi. Hakim meydana fit ilə yalnız 1878-ci ildə çıxmışdır. Həmin vaxta qədər hakim meydandan kənarda otururdu və oyunçular ona müraciət etdikdə onların mübahisələrini həll edirdi. Onbirmetrlik cərimə zərbəsi (penalti) 1891-ci ildən oyunun qaydalarına daxil edilmişdir. 1926-cı ildən isə birbaşa küncdən zərbə ilə vurulan qolları da hesaba almağa başlamışlar.

Menbe: http://az.wikipedia.org