Ordubad rayonunun Aşağı Əylis kəndində yeni seysmoloji stansiya fəaliyyətə başlayıb - ORDUBAD RAYONU

ORDUBAD

Menyu
Login

Axtarış
Tags
Download yüklə keleki indir Elcibey kotam kendi kotam ordubad Ordubad Rayonu Endemic Ordubadda Novruz pezmeri naxcivan gilancay pezmeri selalesi ordubad xani Ordubad meyveleri Ordubad limonu Novruz Bayrami ordubad Ordubad lalelik
Facebook
Kalendar
«  Fevral 2012  »
BBeÇaÇCaCŞ
   1234
567891011
12131415161718
19202122232425
26272829
Ana səhifə » 2012 » Fevral » 15 » Ordubad rayonunun Aşağı Əylis kəndində yeni seysmoloji stansiya fəaliyyətə başlayıb
Ordubad rayonunun Aşağı Əylis kəndində yeni seysmoloji stansiya fəaliyyətə başlayıb
13:30


Fevralın 1-də Naxçıvan Muxtar Respublikası Ali Məclisinin sədri Vasif Talıbov Ordubad rayonunun Aşağı Əylis kəndində yeni istifadəyə verilmiş seysmoloji stansiyanın açılış mərasimində iştirak etmişdir.
Azərbaycan Milli Elmlər Akademiyası Naxçıvan Bölməsinin sədri, akademik İsmayıl Hacıyev yeni seysmoloji stansiyada yaradılan şərait və quraşdırılan texniki avadanlıq barədə məlumat vermişdir.
Ali Məclisin sədri Vasif Talıbov yeni seysmoloji stansiyanın istifadəyə verilməsinin əhəmiyyətini qeyd edərək demişdir ki, muxtar respublikada bu xidmət mərkəzlərinin yaradılması ilə bağlı qəbul edilən qərar öz bəhrəsini verir. Ötən ilin dekabrında Şahbuz şəhərində yeni seysmoloji stansiya fəaliyyətə başlamışdır. Bu gün isə Ordubad rayonunda yeni belə stansiya istifadəyə verilir. Sədərək rayonunda da bu istiqamətdə görülən işlər başa çatmaq üzrədir. Gələcəkdə Azərbaycan Milli Elmlər Akademiyasının Naxçıvan Bölməsindəki Seysmoloji Mərkəz də yenidən qurulacaqdır. Bütün bunlar imkan verəcəkdir ki, muxtar respublikamızda seysmik fəallıq və yerin təkində baş verən proseslər izlənilsin, bu istiqamətdə elmi-tədqiqat işləri aparılsın.
Qeyd olunmuşdur ki, bu stansiyalar təkcə ölkəmiz, eləcə də muxtar respublika üçün deyil, eyni zamanda, bütövlükdə region üçün əhəmiyyətlidir. Bu sahədə görülən işlərin nəticəsidir ki, artıq mütəxəssislərimiz seysmoloji prosesləri əvvəlcədən izləyib təhlil edə bilirlər. Bu da ölkəmizdə seysmoloji stansiyaların texniki təminatının yüksək səviyyədə olmasının və bu sahəyə göstərilən dövlət qayğısının nəticəsidir.
Ali Məclisin sədri Azərbaycan Milli Elmlər Akademiyası Respublika Seysmoloji Xidmət Mərkəzinin səmərəli fəaliyyətini qeyd etmiş, bu sahə üzrə mütəxəssislərin hazırlanmasının vacibliyini bildirmişdir.
Azərbaycan Milli Elmlər Akademiyası Respublika Seysmoloji Xidmət Mərkəzinin baş direktoru Qurban Yetirmişli yaradılan şəraitə görə minnətdarlığını bildirərək demişdir ki, hazırda Azərbaycanda 31 seysmoloji stansiya fəaliyyət göstərir. Bu stansiyaların ən müasirləri Naxçıvan Muxtar Respublikasında quraşdırılmışdır. Gələcəkdə bu stansiyalarda yeni nəsil geofiziki cihazların quraşdırılması da nəzərdə tutulmuşdur.
Baxış zamanı bildirilmişdir ki, tikintisinə ötən il başlanılmış stansiya seysmoloji şaxta və köməkçi binadan ibarətdir. Bura yeni elektrik və qaz xətləri çəkilmiş, ötürücü antena və günəş batareyası meydançaları yaradılmışdır. Stansiyada xüsusi avadanlıq, seysmik ölçü cihazları quraşdırılmış, əməkdaşların fəaliyyəti üçün otaqlar ayrılmışdır.
Bildirilmişdir ki, stansiyanın funksiyası telemetrik-rəqəmsal xidmət göstərmək, məlumatları peyk vasitəsilə avtomatik olaraq Azərbaycan Milli Elmlər Akademiyasının Respublika Seysmoloji Xidmət Mərkəzinə ötürməkdir. Zəlzələlərin rüblük kataloqlarının tərtibi də stansiyanın fəaliyyət dairəsinə aiddir. Telemetrik avadanlığın köməyi ilə bölgədə seysmik monitorinqlərin aparılması, Yerin təkində tektonik proseslərin izlənməsi və seysmik fəallığın öyrənilməsi mümkün olacaqdır.
Qeyd olunmuşdur ki, Ordubad rayonunun Aşağı Əylis kəndində yaradılan yeni stansiya muxtar respublikada seysmoloji müşahidə sisteminin modernləşdirilməsi və seysmoloji xidmətin beynəlxalq standartlar səviyyəsinə yüksəldilməsi istiqamətində həyata keçirilən tədbirlərin davamıdır.
Ali Məclisin sədri seysmik stansiyanın fəaliyyəti ilə bağlı müvafiq tapşırıqlar vermişdir.
Baxış: 987 | Added by: ilkin92 | Təsnifat: 0.0/0 |
Ümumi şərhlər: 0
Yalnız qeydiyyatlı istifadəçilər şərh yaza bilər.
[ Qeydiyyat | Giriş ]
Paylaş
Sorğu
Ordubadın harasındansız?
Total of answers: 1887
Chat
Dost saytlar

Ordubad - Azərbaycanın incisidir

Sual Cavab saytı

Iqtisad Universiteti

Sayğac


Cəmi online: 1
Qonaqlar: 1
Istifadəçilər: 0