17-ci əsr Azərbaycan memarlıq abidəsi Ordubad şəhərindədir. Böyük gümbəzdən və ona bitişik səkkiz kiçik günbəzdən ibarətdir. Gözəl memarlıq üslubunda inşa edilmişdir.İlk vaxtlar örtülü ticarət mərkəzi kimi nəzərdə tutulmuşdu.Sonralar pəhləvanların güləşdiyi yer kimi xalq arasında Zorxana adı ilə tanınmışdır. 19–cu əsr ortalarında “Əncüməni-şüəra” ədəbi məclisinin yığıncaqları burda keçirilirdi. 1985-ci ildə əsaslı bərpa olunmuş, 1990-cı ildən isə Ordubad tarix-diyarşünaslıq muzeyi burada yerləşir. Ərdəbil, Təbriz və başqa şəhərlərdə zərgərlik məmulatı satılan örtülü bazarlarda Qeysəriyyə adlanır.
